Page 6 - News_Combine_v3

“Kyk, ek is net ʼn eiendomsagent, maar ek wou nog nooit net as ʼn agent gesien word of in ʼn boksie geplaas
word nie. Ek wil hê mense moet kan sien ek is ʼn plat op die aarde ou en as ék ʼn verskil kan maak, kan enige
iemand anders dit ook doen.”

Nou pak die Spinnekop van Pretoria sy grootste avontuur nóg aan. Op 1 Julie gaan hy probeer om die 1 500

km in sy Spiderman-pak binne bietjie meer as ʼn maand kaf te draf.

“Dit sal wees asof ek elke dag ʼn marathon hardloop met een rusdag per week, maar ek werk nie noodwendig
teen tyd nie, dit is veel belangriker dat ek beserings vryspring en ʼn gemaklike pas handhaaf.”

Nefdt het ʼn lmspan wat hom sal ondersteun en saam met hom die reis sal meemaak. Hy hoop dat sy
avontuur later as ʼn televisiereeks uitgesaai sal word.

(https://maroelamedia.co.za/wp-content/uploads/2018/03/eric-nefdt-
spiderman-02.jpg)
Eric Nefdt, Pretoria se eie Spinnekop, in aksie tydens verlede jaar se Comrades-marathon.
Foto: Facebook.

Op die vraag oor hoekom Nefdt nou juis besluit het om na Lüderitz in
Namibië te draf, het hy gesê dit is net een van daardie plekke wat hy nog

altyd graag wou sien.

“Ek het my seiljaglisensie gedoen en die planne om na Lüderitz te vaar
het deur die mat geval; vandaar was dit nog altyd ʼn droom om Namibië te
sien en om in die woestyn onder die sterreruim te slaap. Verder het ek
ook nog net altyd goeie goed van die mense van Namibië gehoor.”

Hy het verlede jaar ook reeds die Comrades-marathon in sy Spiderman-
pak voltooi. Toe hy boonop uitvind die vroue-wenner van die 2017
Comrades, Camille Herron, het ʼn Guinness-wêreldrekord opgestel vir die
persoon wat die vinnigste marathon in ʼn superheldpak afgelê het – het Nefdt besluit hy moet die rekord
eenvoudig verbeter.

Dit is egter die stories van kinders soos Ruby Ballack wat voor haar 16de verjaardag dood is terwyl sy vir ʼn
hartoorplanting gewag het en dié van jong Chris Truter wat in Februarie vanjaar ʼn suksesvolle
hartoorplanting gehad het nadat ʼn hart beskikbaar geword het, wat Nefdt naal tot aksie oorgehaal het.

Julie Purkis, ʼn woordvoerder vir die sentrum gemoeid met onder meer die verkryging en verskaf ng van
menslike weefsel vir inplanting en oorplanting aan die Tshwane Universiteit van Tegnologie (TUT), het gesê

die organisasie is dankbaar vir die bewusmaking wat Nefdt wil skep. “Suid-Afrikaners besef steeds nie dat
enige iemand van enige ouderdom ʼn weefselskenker kan wees nie. Daar is soveel weefsel wat geskenk kan
word: hartkleppe, been, vel en korneas is maar net ʼn klein voorbeeld van wat gebruik kan word,” het Purkis
gesê.